Layiqli qiymət

Dövrümüzün tatınmış yazarlarından biri olan Cim Kollinz (Jim Collins) müəllifi olduğu “Yaxşıdan dahiliyə” (“Good to great”) əsərində “ön söz”dən qabaq səmimi hisslərini bölüşür. Oxucuya təkcə işgüzar deyil, eyni zamanda şəxsi həyatda çox dəyərli konsepsiyaları öyrədən bu əsərdə faydalandığım xeyli məsələlərlə yanaşı bu möhtəşəm giriş mənim üçün çox təsirli oldu, xüsusilə əsəri oxuyub bitirdikdən sonra bir daha həmin girişi oxuduğumda.

Böyük bir yaradıcı heyətlə beş il ərzində aparılmış gərgin araşdırmaların nəticəsi olaraq təqdim olunan əsərin başlanğıcında müəllif qeyd edir ki, əlyazmanı bitirdikdən sonra önündə qarlı dağların göründüyü bir yüksəkliyə qalxaraq təfəkkür etdiyimdə beynimdə qəribə bir sual yarandı. Hansı məbləğ qarşılığında bu əsəri çap etməməyimə razılaşardım? Doğrudur, bu əsərdən vaz keçmək üçün belə bir məbləğ yoxdur demək çətin olsa da xəyalımda yüz milyonu ötdükdə sanki ayaq saxlamaq zamanı gəldi. Deməli, hətta bu qədər pul qarşılığında belə bu layihədən əl çəkməyə razı olmazdım.  Çünki, qəlbən mən müəlliməm. Mümkün deyil ki, öyrəndiklərimizi bütün dünyanın tələbələri ilə bölüşməyim. Sonda müəllif bunu məhz müqəddəs dəyərlərin xatirinə etdiyini qeyd edir.

Bir oxucu kimi mənim bu əsərdən qazındığım dəyərlərdən biri də bu oldu ki, insan sahib olduğu dəyərləri daha bahasına satmağa öyrənməlidir, puldan da bahasına.