İslam iqtisadi sistemi: prinsiplərdən mikroqitisadi və makroiqtisadi sahələrə baxış (6)

Müəlliflər Qurani-Şəriflə davam edirlər:

Allah bəyan edir ki:

"Ey insanlar! Sizi və sizdən əvvəlkiləri yaratmış Rəbbinizə ibadət edin ki, müttəqi olasınız! (Allahdan qorxub pis əməllərdən çəkinəsiniz!)

O Allah ki, sizin üçün yer üzünü döşədi, göyü isə tavan yaratdı, göydən yağmur endirdi və onun vasitəsilə sizin üçün müxtəlif meyvələrdən ruzilər yetişdirdi.

İndi siz də Allaha (Onun heç bir oxşarı və bənzəri olmadığını) bilə-bilə şəriklər qoşmayın!"

Əl-Bəqərə: 21 və 22

İslam iqtisadi sisteminin Quran və Sünnədə yer alan bəzi prinsipləri aşağıdakı kimi qeyd olunur:

a. Doğrunu və Yanlışı Allah müəyyən edir.

İslam iqtisadi sistemi, hər şeydən öncə qanuni, icazəli olanla (halal) qanunsuz, icazəli olmayan (haram) arasında fərqi, məsafəni, həmçinin mübah (harus), vacib və məkruhu müəyyən edir.

Nəyin icazəli və ya qanuni (halal) və nəyin qadağan və ya qanunsuz (haram) olmasını təyin etmək Allahın səlahiyyətindədir.

Əbdül Qafar İsmailin və Norazia Çi Ərşadın tədqiqat işindən