“İQTİSADİYYAT”A VERİLƏN TƏRİFLƏR

 

“İqtisadiyyat”ın müxtəlif tərifləri mövcuddur.

Əlbəttə, bizim “iqtisadiyyat” anlayışını müəyyən etməyimiz, ona tərif verməyimiz şəxsi və mədəni yanaşmamızdan, baxışımızdan asılı ola bilər. Dar mənada bu, resursların idarə olunması kimi, daha geniş anlamda isə coğrafi və ya siyasi regionun iqtisadi həyatının bütün strukturlarını, sahələrini ehtiva etməklə müəyyən oluna bilər.

 

 “İqtisadiyyat”a verilən 3 tərif

  

 “WIKIPEDIA” tərəfindən verilən tərif:

İqtisadiyyat əmək, kapital və torpaq resurslarından, eyni zamanda əmtəələrin və xidmətlərin istehsalı, mübadiləsi, bölgüsü və istehlakında sosial cəhətdən iştirak edən iqtisadi agentlərdən ibarət olan  ölkənin və ya başqa bir ərazinin iqtisadi sistemini ifadə edir.

 

 “OXFORD LÜĞƏTİ” tərəfindən verilən tərif:

1.    Ölkənin və ya regionun əmtəə və xidmətlərin istehsalı və istehlakı, həmçinin pul təklifi baxımından quruluşu

yaxud,

2.    Sərəncamda olan resursların ehtiyatlı idarə olunması

 

“Böyük Britaniyanın Milli Statsitika İdarəsi” tərəfindən verilən tərif:

İqtisadiyyata istehsalçılardan istehlakçılara əmtəələrin və xidmətlərin dövri axınları, həmçinin əməyin və kapitalın istehsal proseslərinə  müvfaiq axınları kimi baxıla bilər. Buna bərabər şəkildə göstərilən xidmətlər qarşılğında pul dövriyyəsi yer alır.