Kamil insan və kamil davranış (13)

Zəiflik məktəbi

Nəzəri-fəlsəfi nöqteyi nəzərdən, Eşq məktəbi Ağıl məktəbinin əks qütbündə durduğu kimi, Zəiflik məktəbi də Qüdrət məktəbinin əks qütbündədir.

Zəiflik məktəbi insanın kamilliyini onun zəifliyində hesab edir.

Bu məktəbə görə:

-      Qüdrətli insan təcavüzkarlıq edəcək deyə, kamil insan ola bilməz.

-      İnsan ayaq alta qalan qarışqadır, sancan arı deyildir.

-      İnsanın gücə malik olmaması nemətdir, çünki bu halda o, xalqa əzab çəkdirə bilməz.

Mürtəza Mütəhhəri bu məktəbi tənqid edərək deyir:

-      Nə ayaq alta qalan qarışqa, nə də sancan arı olma, şükür edən ol ki, qüdrətin olduğu halda, xalqa əzab çəkdirən deyilsən.

-      Çünki, imkanı olmayıb zülm əhli olmamaq kamillik deyil.

-      Kamillik odur ki, imkanın olan halda zülm yolunu tutmayasan.

-      Hətta günaha girməmək niyyəti ilə tərk-dünyalıq, tərk-qüdrətlilik  tam yanlışdır.

M.Mütəhhərinin “Kamil insan” əsərindən istifadə olunmuşdur