İslam ölkələrinin iqtisadi inkişafı haqqında məqaləyə epiloq (9)

Sonra o, yazır:

“Bu proses dünya əhalisi arasında dərin gəlir bərabərsizliyini əks etdirir.

Bu, həmçinin  Müsəlman dünyası ilə Xristian dünyası arasında da gəlir bərabərsizliyini göstərmiş olur.

Məlum olduğu kimi, dünyanın ən varlı ölkələri Avropada, Şimali Amerikada və Şərqi Asiyadadır.

Yalnız az sayda Müsəlman ölkələri qaneedici səviyyədə milli gəlirə malikdirlər ki, bu da həmin ölkələrin neft sərvətlərinə sahib olmalarından irəli gəlir.

Son iki dekadanın göstəricilərinə görə, demək olar ki, bütün ölkələrdə yaşam standartları (orta gəlirlilik səviyyəsi) uzunmüddətli dövrdə davamlı artıma malikdir.

Çin kimi bəzi nisbətən yoxsul ölkələrdə milli gəlir sürətlə artır ki, bu da, bu qrupun varlı ölkələrlə gəlir səıviyyəsi fərqini getdikcə azaldır.

Əksər Müsəlman ölkələri də daxil olmaqla çox sayda yoxsul ölkələrdə isə milli gəlirin artım sürəti aşağıdır ki, bu da varlı ölkələrlə gəlir səıviyyəsi fərqinin getdikcə böyüməsi deməkdir.

Bu fərqliliyi yaradan amillər hansılardır?

Əslində, ölkələr üzrə gəlir səviyyəsi fərqinə səbəb olan başlıca amillər dini məsələlərə bilavasitə aid olmaya bilər.”