Kamil insan və kamil davranış (26)

Sosializm məktəbinin əsas səhvi

Sosializm idealogiyası heç də həmişə “mən”-i “biz”ə çevirməyə çağırmır.

Sosializmin gücü yalnız “mülkiyyətin” fərdə deyil, ictimaiyyətə (hamıya) məxsusluğu ideyası qədərdir.

Əslində isə insanın mülkiyyətə sahibliyi onu “mən” edib, “biz”-dən ayırmır.

Məhz, insanın mülkiyyətə qəlbən, mənən bağlılığı onu “mən” edib, “biz”-dən ayırır.

Sosializm deyir ki, “mən”dən qurtulması üçün mülkiyyəti, material dəyərləri zorla insandan al.

İslam isə deyir ki, mülkiyyəti, material dəyərləri zorla insandan alma, insanı elə tərbiyə et ki, o, həmin maddi dəyərlərə sahib olsun, lakin onların qarşısında əzilməsin.

Beləliklə, insan kamilliyə yetişsin və “mən”i məcburən, yox, ixtiyari olaraq əzsin.

Sosializmin “biz”i heç nəyi olmayan insanlardır.

İslamın “biz”i isə hər şeyi olan, lakin mənəviyyatı o şeylərdən uca olan insanlardır.

M.Mütəhhərinin “Kamil insan” əsərindən istifadə olunmuşdur