Kamil insan və kamil davranış (27)

Beləliklə, M.Mütəhhərinin “Kamil insan” əsərinin başlıca ideyaları:

- İnsanın kamilliyi onun bütün insani istedadlarının tarazlığındadır.

- Haqqın dərdi acı deyil, ləzzətlidir.

- Agahlıq və sayıqlıqla olan narahatlıq, cahillik və xəbərsizliklə olan rahatlıqdan üstündür.

- Vüsal dünyavi eşqin dəfn yeridir.

- Həqiqi səbr mübarizəsizlik deyil, mübarizəni davam etməkdə israrlı olmaqdır.

- Həqiqi kamal dünyadan uzaq durmaq deyil, ona yaxın olduğun halda ondan üz çevirə bilməkdir.

- Ətrafı tanımaq üçün özünü tanı.

- Bütün varlıqlardan fərqli olaraq, insan öz xislətindən ayrıla bilən yeganə varlıqdır.

- İnsanda iki “mən” var, biri təhlükədir – onu öldürmək, digəri müqəddəsdir – onu qorumaq lazımdır.

Çətinlik ondadır ki, insan çox zaman bu iki “mən”i qarışdırır – öldürmək əvəzinə qoruyur, qorumaq əvəzinə öldürür.

M.Mütəhhərinin “Kamil insan” əsərindən