Kamil insan və kamil davranış (16)

Sonra Qandi deyir:

-      Dünyada yalnız bir yaxşılıq var ki, o da insanın başqasını özü kimi sevməsidir.

-      Məhz, bu, kamilliyə gedən yoldur.

Mülkiyyət məktəbi

Bu məktəb mahiyyət etibarilə daha çox “Qüdrət məktəbi”nə yaxındır.

Bu məktəbə görə:

-      “Kamil insan filosof olmalıdır”, “kamil insan Allaha çatmalıdır” kimi ideayalar, mənasızdır və fəlsəfi uydurmadır.

-      Kamala yetmək istəyirsənsə, daha çox bəhrələnməyə, yiyələnməyə çalış.

-      Maddi nemətlərdən çox bəhrələnsən, kamil insansan.

-      Elm insana hikmət üçün lazım deyil.

-      Elm maddi nemətlərin qazanılması üçün vasitədir.

-      Bu baxımdan, elm müqəddəs deyil.

-      Elmin bəşəriyyət üçün dəyəri inəyin buynuzu, şirin dişləri kimidir.

M.Mütəhhərinin “Kamil insan” əsərindən istifadə olunmuşdur