Kamil insan və kamil davranış (21)

Mənəmliyin dərəcələri

Beləliklə, mənəmliyin birinci dərəcəsi insanın yalnız öz maddi ehtiyaclarına hədəflənməsidir.

Mənəmliyin ikinci dərəcəsi isə birinci dərəcədən əlavə olaraq insanın müəyyən  psixoloji düyünlərə, xəstə xasiyyətlərə hədəflənməsidir.

Bu zaman fərd öz istəklərinə yönəlməklə yanaşı, həmin faydaların yalnız özünə məxsus olmasını arzulayır.

Məsələn, öz ehtiyacları üçün maddi sərvətə sahib olandan sonra, daha çox miqdarda sərvət sahibi olmağa can atır.

Hətta bir sıra dünyavi mütəfəkkirlər insanın sərvətə qarşı münasibətində bu xüsusiyyəti qeyd etmişlər.

Məsələn, bəzi aforizmlərə görə, sərvət (pul) müəyyən miqdara qədər sərvətdir, ondan sonra həvəsdir, azartdır.

Yəni, bu zaman insanın hədəfi maddi ehtiyac yox, ruhi ehtiyacdır.

Bu ruhi ehtiyac isə, xəstə ruhi halətdir.

Mənəmliyin ikinci dərəcəsi birinci dərəcəsinə nəzərən daha təsirlidir.

Belə ki, çox zaman hərislik o qədər güclü olur ki, insan sərvətini hətta öz ehtiyaclarına xərcləmək istəmir.

M.Mütəhhərinin “Kamil insan” əsərindən istifadə olunmuşdur