Müasir iqtisadiyyata yeni yanaşmalardan biri – Yeni İqtisad İnstitutu

Yeni İqtisad İnstitutu (Boston, ABŞ) insanların və planetin rifahını hər şeydən öndə tutacaq yeni iqtisadiyyatın yaradılması missiyasını həyata keçirmək üçün təsis edilmişdir.

Bu İnstitut təkmil ideyaların təcrübədə tətbiqi sahəsində uzun tarixə malikdir. Bu təşkilatın fəaliyyəti cəmiyyətin dayanıqlı iqtisadiyyata  keçidini sürətləndirən hərəkatı qurmağa fokuslaşmışdır.

İnstitutun planı sistemin iflas olmasını bilən, daha fərqli və yenisi ilə əvəz olunması üçün çalışmağın zəruriliyini başa düşən çoxsaylı insanları cəmiyyətə tanıtmaqdan başlanır. İnstitut belə hesab edir ki, bu insanların çoxu artıq öz local dairələrində bu istiqamətdə işlərə başlamışlar. Bir çoxları isə inkanlar axtarır. İnstitutun məqsədi bu insanları təşkilatlar və liderlər şəklində bir araya gətirmək, beləliklə də Amerikanı Yeni İqtisadiyyata doğru aparacaq hərəkatı reallaşdırmaqdan ibarətdir.

İnstitut Yeni İqtisadiyyat hərəkatı naminə fondun yaradılmasına kömək etmək məqsədilə Şimali Amerikanın çoxsaylı Universitetləri ilə əməkdaşlıq edir. Həmçinin, İnstitut yaşıl və ədalətli iqtisadiyyatın yaradılması və dayanıqlı şəkildə inkişaf etdirilməsi istiqamətində  Birləşmiş Millətlər Təşkilatının konfransı üçün plan layihələri hazırlayır.

www.neweconomicsinstitute.org

Ağanemət Ağayev