İqtisadi nöqteyi-nəzərdən İmam Əli
(ə.s.) zəkatın yığılmasına təkcə onun mühüm gəlir mənbəyi olmasına görə əsas
yer verməmişdir. Bu, başlıca olaraq zəkatın əsas benefisiarlarının məhz
kasıblar və digər imkansızlar olmasından irəli gəlir.
Əgər İslamın qorunması seçilən yolun,
məramın bir tərəfini göstərirdisə, Misirin, eləcə də dini mənsubiyyətindən
asılı olmayaraq onun əhalisinin müdafiə olunması mükəmməl dövlətçiliyin digər
tərəfini təşkil edirdi.
Bu, bizə onu göstərir ki, İmam Əlinin
(ə.s.) yanaşmasına görə İslami prinsipləri rəhbər tutan dövlətçilik müsəlman və
qeyri-müsəlmanlar arasında fərqliliyi büruzə verməməli, hamı ilə bərabərlik və
ədalətlə rəftar olunmalıdır.
İmam Əli (ə.s.) Malik Əştərə belə
xəbərdarlıq edir:
“Mən səni
vəzifələndirirəm ona görə ki, öz ağlınla, qəlbinlə, əllərinlə və dilinlə Allah
yolunda xidmət edəsən. Qadir Allah Ona xidmət etmək üçün o kəsə cavabdehlik
verir ki, o kəs səmimi olaraq Ona xidmət etmək üçün fərakarcasına can atır.”
İmam Əlinin (ə.s.) dövlətçiliyə və
idarəetməyə yanaşmasında şəffaflıq, rəhimlilik, comərdlik və inklüzivlik
xüsusiyyətləri başlıca yer tutur.
İmam Əli (ə.s.) Malik Əştərə
müraciətində deyir: “Cəzalandırmağa tələsmə…, qoyduğun qaydalara qarşı səhvliyə
və yanlışlığa yol verənlərə aşırı hirsli olma və müvazinətini tez əldən vermə.
Heç zaman demə ki, mən onların vəlisi və
hökmdarıyam və onlar mənə müti və rəzilcəsinə itaət etməlidirlər.”
www.balaghah.net
No comments:
Post a Comment