İmam Əlinin iqtisadi məktəbi (8)

İmam Əli (ə.s.) buyurur:

“Eyni zamanda sənə vəkillik etmək üçün vəzifəyə can atan acgöz və tamahkar insanlardan uzaq dur. Unutma ki, xəsislik, qorxaqlıq və acgözlük müxtəlif rəzil keyfiyyətlərdir, lakin onların hər biri Allaha etiqadsızlıq və inamsızlıqdan doğan xəstə mənəviyyatın nəticəsidir.”

İmam Əli (ə.s.) bütöv idarəetmə sisteminin zəruriliyini vurğulayır.

O, Malik Əl-Əştəri belə xəbardar edir:

 “Sənə qədərki tiran və zalım hökmdarların dəstəsində yoxsul və imkansız xalq kütlələrinə qarşı qəddarlıq və zülmkarlıqda iştirak edən məmurlar sənin üçün ən pis və qorxulu məmurlar dəstəsidir.”

İmam Əli (ə.s.) tövsiyə edir ki, məmur və rəsmi şəxslər ilk öncə sınaq müddətində çalışmalıdırlar. Bu sınaq müddəti həmin məmur heyətinin performansını qiymətləndirmək imkanı yaradacaq. Başqa sözlə, İmam Əli (ə.s.) sabit vəzifə və təyinatları ilkin mərhələdə mükafatlandırmağı uyğun hesab etməmişdir.

İmam əli (ə.s.) Məlik Əştərə idarəetmədə səmimi olmağı təvsiyə edir:

“Unutma Malik! Qadir Allah üzərinə düşən vəzifələri tam səmimiyyəti ilə yerinə yetirməyən rəhbəri bağışlamayacaq… onun qəlbini sevindirən məsələlər onun əyalətinin və ya dövlətinin bərabərlik və ədalət prinsipləri əsasında idarə olunması və insanların onu buna görə sevməsindən irəli gəlməlidir. Sənin rəhbərlik etdiyin insanlar yalnız o vaxt səni sevəcəklər ki, onların qəlbi sənə qarşı qəzəbli olmasın.”

www.balaghah.net